شوربة العدس الهندية [الأرشيف] - منتدى المرأة الإماراتية

عرض الاصدار الكامل : شوربة العدس الهندية

الحلوة حيل

06-04-2008, 12:28 AM

مرحبا خواتي

حد منكم يعرف كيف انسوي شوربة العدس الهنديه؟؟

كلتها مره ما اذكر وين
وخااااااااطري فيها بس ما اعرف اسويها

اللي تعرف يليت تفيدني وبكون شاكره الها

إماراتيه

06-04-2008, 01:47 AM

مراحب الحلوة حيل
بحثت فترة طويلة عن طريقة شوربة العدس بشكل عام و شوربة المطاعم الهندية بشكل خاااااص
وهالطريقة وايد حلوة لشوربة العدس

كوب عدس أحمر
بصلة مبشورة
فصين ثوم مبشورات
حبة طماطم مبشورة
حبة فلفل أخضر حار ( اختياري )
مكعب خلاصة مرقة الدجاج
5 كوب ماء

* الطريقة

يغلى العدس مع الماء وخلاصة مرقة الدجاج حتى النضج.

يخلط بالخلاط.

يسخن زيت ويضاف إليه البصل والثوم والطماطم حتى تذبل المكونات وتسكب على حلة العدس الجاهز وتترك حتى تستوي كلياً وتتماسك.

تزينينها بالبقدونس و فلفل أسود و تعصرين عليها ليمون

على فكرة هالوصفة تكون الشوربة غليظة مثل المطاعم و ممكن تخففينها

بالهنا و العافية على قلبج
دعواتج :)

بنت الحكومة

06-04-2008, 06:24 PM

هلا أختي حلوه حيل
صراحة انا ما عرف الطريقة
بس حبيت اقلج شيء
اختي اماراتية ما شاء الله عليها ابداع وتميز في كل شيء
وطريقتها أكيد أحسن طريقة خذي من عندها وأنت ِ مطمنه
أن الشوربة بتطلع لذيذه وعليج بألف عافية

الحلوة حيل

07-04-2008, 02:21 AM

اختي اماراتيه
مشكوووووووره فديتج ع الطريقه تعبتج وياي
وان شاء الله لج هديه مني جريب
بجربها وبقولج رايي

بنت الحكومه .. تسلميييييييلي مرورج يفرحني

love me

15-05-2008, 09:59 PM

حلوه حيل لو اعرف فديتج اكيد ماببخل عليج بس مااعرف