شاورما الطبقات فالبايركس اتحداكم ذقتوا شراته

[الحلوة حيل]

طريقته طويله شوي بس رووووووووووووووعه

ويجنن اذا بيكون عندكم عزومه

الخلطه 1 :
المقادير:
2علب روب
2 م ك مايونيز
اكيلو صدور دجاج الخالي من العظام
1 م ص فلفل اسود
1 م ص كركم
فصين ثوم مبشور

نقطع الدجاج طوال طوال ونحط عليه المقادير السابقه ونحطه فالثلاجه تقريبا 4 ساعات وكل ما طول كان احلى.. بعدين نحطه فقدر ونحط وياه حبة ماجي ونخليه ع نار هاديه لين ينشف تقريبا بياخذ ساعه إلا ربع

الخلطه 2 :
المقادير :
2 علبة روب
2 م ك مايونيز
2 م ك طحينيه
1 م ص فلفل اسود
1 م ص سماق
نخلطه مع بعض

نحط الخلطه 1 في بايركس ونحط فوقها الخلطه 2 ونقلي بطاطا ونحطها فوقها ونقطع خس ونحطها فوقها
وذوقوا وادعولي

وقولولي رايكم

[دانة الخليج]

تسلم إيدج يا أختي الحلوة حيل

بجرب وإذا طلع حلو أكيد بدعي لج ..

ويعطيج العافية عزيزتي .

[wafa]

ماشاءالله ماقصرتي ريقي ساح مع القرايه أجل إذا طبقته ايش بيصير
مايوصل البايركس للضيوف إلا نصفه مأكول
يعطيك العافيه ونتطلع للمزيد

[مغتربة 27]

عزيزتي الحلوة حيل

اشكرك على هذه الطريقة السهلة جدا للشاورما وسوف اعملها بأذن الله في الويكيند القادم

لانني عاملة حفلة لصديقاتي وستكون الشاورما مفاجاءة للجميع

تحياتي

[بنت الحكومة]

بس عزومه لا أختي الحلوه حيل هذا الطبق كل يوم بنسويه في عزومه او ما في عزومه
بسوي لعمري عزومه عسب الشاورما

الحلوه حيل تسلمين على هذه الطريقة
السهله واللذيذه حيل

والله لا يحرمنا وصفاتج وابداعات
عسب تكثر عزايمنا

ولج خالص الشكر

[الحلوة حيل]

الله يعطيكم العافيه

ومشكورييييييييييين ع التواصل الحلو
وبالعافيه يا ربي عليكم

[TOTO]

تسلمي حبيبتي الله يعطيكي ألف عافية على الوصفة الحلوة

[شيخة نفسي]

تسلمين على هالوصفة السهلة

ان شاء الله بجربها وبرد عليك

[الحلوة حيل]

شكله محد جرب الوصفه للحين؟؟

[TOTO]

ماشاءالله وصفة رووووووووووووووووووووووووعة وابصم بالعشرة انها بتجنن
تسلم ايديكي حبيبتي وصفة رائعة
الله يجزيكي ألف خير
أختك توتو