العجينه العجيبه

[غواني]

هذه عجينتي من 14 سنة أسويها ، أول مرة سويتها كنت تونّي متزوجة أبيه يعرف أني ست بيت .

المقادير :

6 أكواب دقيق + ربع كوب سكر + رشة ملح + 2 م خميرة فورية + 1م بيكينج باودر + 5 م طعام زيت + 6 م طعام زبادي ( روب ).

الطريقة:

1. يخلط الحليب والزيت والزبادي مع بعض.

2. في الخلاط ( كأس طحين + خميرة + بيكينج باودر + سكر + ملح ).

3. أضيفي خليط الحليب وأخلطي لمدة 2 د.

4. صب الخليط في الدقيق المتبق ، وتعجن جيدا ثم تخمّر 1 س .

5. سوّي اللي تحبي من المعجنات .

6. أنا سوّيت ( برجر + توست + خبز أشكال + خلية نحل + سينابون ).

[بنت الحكومة]

ما شاء الله عليج يا غواني

وصفاتج كلها سهله ولذيده

وان شاء الله نستفيد منج

ونتعلم من وصفاتج

صراحة المعجنات مب أي حد يضبطها يبالها ناس

حريفة شرواتج يا غواني

تسلمين يا عبقرية الطبخ وفنونه

والله يعطيج ألف عافية

وفي انتظار القادم

[siam]

الله يعطيك العافية يا غواني

بخبّرك عن أكلة طيبة

اتصلي بمطعم هندي واطلبي: (دوسة)

بس هذه الأكلة ما يسوونها إلاّ الصبح

تقبلي تحياتي

[غواني]

الله يعافيج إنشاالله مشكوره siam
اول مره اسمع عن هذه الاكله دوسه شمعنى بس الصبج ياكلونها وشو طعمها حلو ولا مالح .بس اكيد إني بجربها
مشكوره

[بنت-الامارات]

الله يعطيج العافيه

[بنت عبودي]

الله يعطيج العافيه

[siam]

الله يعافيج إنشاالله مشكوره siam
اول مره اسمع عن هذه الاكله دوسه شمعنى بس الصبج ياكلونها وشو طعمها حلو ولا مالح .بس اكيد إني بجربها
مشكوره



أهلا غواني

أنا ريّال مب حرمة

جربي الأكلة اللي خبرتك عنها وإذا ما عجبتك أنا بدفع عنها

[شيخة نفسي]

الله يعطيك العافية أختي غواني


وحلو انج تعطينا من خبراتج


تسلمين خيتي

[غواني]

تسلمين ويسلم بخورج وعطورج
مشكوره على المرور

[غواني]

أهلا غواني

أنا ريّال مب حرمة

جربي الأكلة اللي خبرتك عنها وإذا ما عجبتك أنا بدفع عنها

اسفه اخوي siam تراني عقب عرفت انك ريال:confused:

[منصوريه]

تسلم ايدج عالعجينه السهله

[ام نواري]

يعطيج العافيه اختي غواني على العجينه الحلوه بس مقدار الحليب ماذكرتيه في المقادير ويكون بودره والاسائل