قسم الصور والفـيديو

[bent_zayed]

السلام عليكم ورحمة الله وبركاته

اخواني القائمين على ادارة المنتدى اول شي اشكركم على هذا المنتدى الرائع وهذي هب مجامله لا والله هذي حقيقه انا لاحضتها في منتداكم يخلي العضو يدمن على منتداكم بشكل غير طبيعي المهم

بدخل في الموضوع ومابطول عليكم انا عندي اقتراح تسوون قسم لصور والخلفيات والفيديو

وهذا القسم فيه اقسام فرعيه صور مرعبه وغريبه وقسم فرعي صور التصميم والخلفيات وقسم فرعي لتصوير الاعضاء يعني اللي عنده هواية التصوير عنده قسم خاص حتى يحط تصويره

وقسم فرعي للفيديو اللي عنده لقطه مضحكه ولا فيديو غريب ولا مرعب

وان شاء الله ماثقلت عليكم بأقتراحي وارايي متروك لكم

والله يوفقكم في ما يحب ويرضى


وسلام عليكم ورحمة الله

اختكم أم محمد

[بنت الحكومة]

في البداية مشكوره وايد خبيرة منتدانا أم محمد على كلامج الطيب
وحشى الكلام منج ما يكون مجاملة وإذا فيه شي يميز المنتدى
فهو وجود هذه النحبة والصفوة المختارة من الأعضاء اللي أنت ِ وحده منهم

إقتراحج مرحب به أختي ام محمد ومحل تقدير واهتمام من إدارة المنتدى
وإقتراحج أكيد يفيد المنتدى ومثل ما ذكرتي راح يكون فرصة للاعضاء
الموهوبين لعرض إبداعاتهم بس يالغالية نحن عدنا منتدى التصميم والابداع والتصوير الفني
اللي يدخل فيه اقتراحج

أشكر لج حرص الكبير خبيرتنا أم محمد

والله يوفقنا في تقديم كل ما يسعد ويرضي أعضاء منتدنا

أتمنى نكون عند حسن ظن كل أعضائنا المميزين

ومشكورة يالغالية

[bent_zayed]

الشكر لله وحده وتسلمين يا ام الذوق كله وهذا تراه واجب كل عضو في المنتدى اللي يشوفه من اقتراح لمصلحة المنتدى المفروض مايبخل عليكم فيه وان شاء الله يكون منتداكم من افضل المنتديات ع الشبكه العنكبوتيه

وعن قسم التصميم اللي ذكرتيه وانا شفت القسم بس مافيه فروع يعني البرامج مع الصور كلهم في قسم واحد وزين انج ذكرتي قسم التصميم المفروض ملحقات التصميم لها فرع خاص فيها مثل البرامج والفرش وسكربت والاشياء الخاصه لتصميم

والقسم اللي الحين فيه كل مستلزمات التصميم تخلونه لابداعات الاعضاء في اعمالهم في التصميم

بشرح لكم اكثر


القسم اللي ذكرتهم سابقا

قسم الاول لمقاطع الفـيديو

يختص في مقاطع الفيديو الغريبة ، المضحكة ، ..الخ)


والقسم الثاني الصور والخلفيات وهذا القسم
يختص في الصور النادره والخلفيات .
الأقسام الفرعية: استديو الاعضاء وهذا يختص في تصوير الاعضاء , والصور ثلاثية أبعاد والخلفيات لسطح المكتب .

والقسم الثالث
للتصميــم وإبداعات الإعضاء وهذا يختص في التصميم للاعضاء

الأقسام الفرعية: دروس التصمـيـــــم, ملحقات الـتـصـمـيـم من برامج وادوات التصميم ككل , لطلبات وإستفسارات الإعضاء وهذا يختص في اي استفسار من الاعضاء عن تصميم او طلب توقيع وماشابهه


وياريت تخلون المنتدى مغلق مايتصفحه غير اللي مسجل فيه لو تلاحضون الزائرين المنتدى اكثر من اللي يردون ع المواضيع وهذا الشي هب لمصلحة المنتدى والاعضاء بهذا الشكل مابيتشجعون في طرح المواضيع لانه مافيها ردود تشجع الاعضاء

وسموحه منكم ثقلت عليكم بكلامي

ورايي الاول والاخير لكم واللي تشوفونه في مصلحة المنتدى سووه

والله يوفقكم ويرعاكم

امكم ام محمد

[sam2]

انا احب ان ابعد عن الصور والفيديو
ارغب في اي حد من الاخوه والاصدقاء هنا ان يرشدني الى كيفيالاسواق في دبي من الناحيه الصناعيه
حيث اني ارغب بفتح مصلحه (ورشه للحداده)كثير يشجعوني لكن احب ان اسمع راي ابن البلد والشكر الجزيل لكماعذروني انا

[siam]

OK
أتفق مع رأي bent_zayed

[إبنة الونشريس]

مشكوور