ღஐღ سندويج الشاورما مع الخبز العربي صنع ايديه وحياتكمღஐღ

[bent_zayed]

السلام عليكم

خواتي من شان عيونكم الحلوه صورت لكم الشاورما اللي سويتها

وكانت لذيذه لدرجة انه عيالي اليوم الثاني طلبوا اسويهال لهم مره ثانيه ولاكني رفضت اسويها حتى مايكرهونها

بس طلعت رهييييبه بمعنا الكلمه واللي يحب الشاورما بيكره يشتريها من برع بيحب مال البيت وهذا اللي حصل عيالي وايد عجبتهم

ولاتستغربون ماقول ابو العيال ماعجبته اللي عندي ياكل ولايقول رايه بالمره ههههههههههههههه البركه في العيال دوم تعجبهم طبخاتي حتى جاراتي دوم يمدحون طبخاتي وهذا مش غرور والحمدلله

الواحد يوم يحصل الكل يعجبه الاكل يحاول يسوي الافضل دايما

المهم بخليكم مع الشاورما وجربوها وقولو رايكم فيها اذا ماطلعت فوق الخيال لكم حق تزعلون بس المهم تسوون نفس طريقتي

انا مابحط لكم مقادير معينه لانه بيكون حسب الكميه اللي انتي تستعملينها


اول شي ناخذ دجاج صدور ونغسلهم عدل ونقطعهم شرايح صغار

نحطهم في اناء ونحط عليها عصير ليمونتين 2 ولاترمين قشر الليمون قطعيه بعد عصره وحطيه على الدجاج وحطي فوقه


فلفل اسود

فلفل احمر

كمون

بهارات الدجاج

وكاري

وملح

بصل مقطع شرايح رفيعه

ثوم مدقوق

زنجبيل طازج مدقوق

وكزبره

وبقدونس

وزيت ذره

ولاتكثرين لبهارات خلي المقاسات بالملعقه الصغيره نرجع لطريقه

ونخلط كل المقادير مع الدجاج ونسكر عليها ونحطها بثلاجه لليوم الثاني

لاتسوينها نفس اليوم لانه مابتحصلين نتيجه حلوه لشاورما

وهذا اللي انا جربته لانه لو سويتيها نفس اليوم الدجاج مابياخذ طعم ونكهه من الخلطه اللي فيه

باليوم الثاني نرجع لخلطة الشاورما

ناخذ جدر ونحط فيه الشاورما ونحطها ع النار ولاتنسين اطلعين قشر الليمون اللي حطيتيه فيها
ونخلي النار متوسطه عليه مع التحريك المستمر مع اغلاق الغطاء

لين تشوفين الدجاج نشف الماي عنه نقطع كزبره مع بقدونس

ونحطه عليه ونطفي النار من تحته وخلصنا الشاورما

وهذي الشاورما يوم خلصت


http://uaeloveorama.googlepages.com/aa1.gif



نروح للعجينه وبتكون عاجنينها قبل مانشتغل عليها بساعه او ساعتين حتى ترتاح ونحصل عجينه ناجحه ولاتعبنا في الشغل


مقادير العجينه

طحين ابيض العادي ( رقم 1 )

ملح وزيت

العجينه لازم تكون بالمقادير حتى تنجح معاج

انا محطيه مقاس للطحين اللي هي علبة السميد

وكل علبة سميد نص ملعقة اكل ملح ونص استكانة شاي زيت ذره

لازم يكون الزيت اللي نستخدمه للعجينه مايكون يجمد واحسن نوعيه زيت الذره

نعجن العجينه ولاتكثرين الماي خليها نفس عجينه البيتزا بس اطرى شويه منها يعني لاتخلينها ناشفه احسن شي تحطين ماي عليها ويوم تعجنين تشوفينها تلتصق بأيدج وبعد ماتكملين العجينه تشوفينها تطلع من ايدج بروحها لانه تتماسك مع العجن بعد مانخلص العجينه نخليها ترتاح يقارب الساعه او اكثر

بعدها نرجع للعجينه واخلي بجنبي طحين ورد اعجنها مره ثانيه واخذ قطع صغيره منها يقارب حجم اليوسف افندي او قد فنجان القهوه واكور العجينه حتى اخلص الكميه اللي عندي

وهذي العجينه وانا مكورتنها


http://uaeloveorama.googlepages.com/dd3.gif


اسخن المخبز اللي بخبز عليه العجينه اللي هو الصاج

وامد العجينه ع الرخام مرشوش بالطحين حتى تصير خفيفه

وهذي صورة العجينه بعد مدها ع الرخام


http://uaeloveorama.googlepages.com/aa2.gif



و اخلص الكميه وانا امد العجينه واخبز في نفس الوقت يعني يبغي حركه ونشاط الخبر تمدين وتخبزين في نفس الوقت حتى ماتنشف العجينه عندج ولاتحصلين نتيجه حلوه

وعلى فكره خلي بجنبج صحن فيه زيت وكلينكس حتى تمسحين المخبز فيه

وحاولي تخلين الخبز مافيه طحين عند خبزه حتى مايحترق عليج الخبز وتطلع ريحة الخبز مش حلوه

لو شايفه الخباز كيف رضرب الخبزه قبل مايحطها في التنور سوي جذه نفسه ضربي العجينه حتى تتخلصين من الطحين الزايد اللي فيها

بعد مانخلص الخبز حطيه في طاسه تخليه محتفظ في حرارته

وهذا الخبر العربي يوم خلصته

http://uaeloveorama.googlepages.com/aa3.gif


وفي نفس الوقت نجهز بطاط مقطه مكعبات صغيره ومقلي بزيت

وهذا البطاط

http://uaeloveorama.googlepages.com/aa7.gif

الحين بنحظر خلطة الطحينيه لشاورما

اللي هي

طحينيه

مايونيز

روب

وعصير ليمون

نخلط كل المقادير مع بعض حتى نحصل ع الطحينه

ونحتاج لسلطه

خس مفروم

طماط

خيار مخلل

نقطع السلطه تقطيع ناعم حتى تسهل علينا لف السندويش

انجيب طاسه ونحط شويه من الشاورما ونحط عليها طحينيه اللي جهزناها سابقا

وهذي صورة السلطه مع الطحينه

http://uaeloveorama.googlepages.com/aa4.gif




ونحط كميه من السلطه ونخلطهم مع بعض ولاتنسين البطاط المقلي

نخليه بجنبنا تحط كميه من الخلطه ع الخبز ونحط بطاط ونلف السندويش





وهذي السندويشات الخبز العربي مع الشاورما


جهزت شوفي شكلها مش مشهي

http://uaeloveorama.googlepages.com/aa5.gif


وهذي صوره ثانيه لسندويشات

http://uaeloveorama.googlepages.com/aa6.gif

وعاد مابيتريونج تقدمينه انتي تلفين السندويج وهم ياكلون وبالعافيه عليكم

اختكم أم محمد

[بنت الحكومة]

أولا تسلم عيونج يا أم محمد

وعيونج أكيد الأحلى

وثانية تسلم إيدج على هذه الشاورما أكيد من بعد طريقتج السهلة

كل الحريم بيسونها في البيت وبيخسرن محلات الشاورما

شكلها يجنن عادي آخذ وحدة أم محمد ؟

الله يعطيج العافية

وأكيد مشاركاتج بتنور منتدانا

وعسى ربي يحفظج من كل شر يارب


http://abeermahmoud2006.jeeran.com/444-Thanks.gif

[bent_zayed]

تسلمين فديتج انتي الاحلى يالغاليه وشاورما ماتغلا عليج هب وحده الصحن كله لج والله لو اعرف بيتكم بيوصلج الشوارما شو رايج اطرشه لج عن طريق الايميل ههههههههههههه اسرع صح هههههههههه

ولاحرمني الله منج ومن تواجدج في كل صفحه في المنتدى

ومنوره يالغاااليه ..

[بنت الحكومة]

فديت روحج يالغالية والله أنا اللي أييج لعندج

وأحب راسج بعد

ما تقصرين يا اللوالده

وربي يحفظ راعية القلب الكبير

الغالية أم محمد

آمين

[بنت أبويه]

تسلمين ..... وي دوووم يوم اشوووف الاكلات الي تحطونهم ايوووووووع . بس احلى عشى بالنسبه حقنا فالسكن كان معكرووونه بالبشاميل هههههههههههههه وحليلنا فرحنا خخخخخخخ تسلمين عاد الحين خاطري بشاورما خخخخخخ

[moz2006]

ما شاء الله شكله يشهي يم يم

[منصوريه]

ما شالله عليج يابنت زايد

[مغتربة 27]

للاسف دخلت متاخرة يا عزيزتي وجوعانة كتير اخر مرة اكلت شاورما كان في الصيف الماضي

في دبي وانا بموووووووووت في الشاورما ولايوجد في مدينتي احد يبيعها

ارجو منك فقط وضع المقادير لشخص او شخصين وبعدين ما المقصود بقياس علبة سميد ؟؟!

بانتظارك عزيزتي وتسلم الايادي

تحياتي

[شيخة نفسي]

ماشاء الله عليج ياأم محمد

عيني عليج باردة على

هالوصفة المتكاملة

انا من محبين الشوارما

ودوم احاول اسويها في البيت

بس ماتنجح عندي وخصوصا الطحينه

بس اليوم بعد ما شفت طريقتج عرفت

الاخطاء الي كنت اسويها الله لايحرمنا

من جديدج يالغالية مع فائق إحترامي