siam
11-01-2008, 02:41 AM
سلطان عبيد آل علي:
يا كبر حظ الشاعر حسين
وحسين من يا ناس قدّه؟
في بانكوك ميلّس ألحين
وكل شي يباه يلقاه عنده
بين الغواني والمزايين
يالس وحوله كم ورده
والزين يغنّي ليل يا عين
وحسين بازغ نجم سعده
وأنا ميلّس في (أمّ قيوين)
على كدر دايم وشدّه
حسين خميس آل علي:
وش حقّه يالس في (أمّ قيوين)
والشوق عندك زاد حدّه
يا بوعبيد بسرعه ألحين
شدّ العزم ياخوي شدّه
خذ تذكره (ع) التاي بألفين
وسو لك من الباتات خرده
وتعال لبلاد المزايين
يللّي بها الغزلان رغده
بانكوك فيها أريش العين
وفيها الذي مملاي قدّه
بتفوز يا بوعبيد بالزين
عقب الحياجه والمكدّه
سلطان عبيد آل علي:
قريت ردّك يالخوي زين
وفيني الولع قد زاد حدّه
شوّقتني لبانكوك يا حسين
ذكّرتني بشخصٍ أودّه
ما رحت له من عدّة سنين
وعنّا انقضت ويّاه مدّه
انته بتي خمسه وعشرين
وهناك من بآتم عنده؟
انته تسافر دون تبيين
من عقب غوص تروح ردّه
لكن لي ربعٍ معزمين
وأشوفني حزامي بأشدّه
حسين خميس آل علي:
هيّد علي بو عبيد يومين
برجع ولي ويّاك قعده
حتى نخطّط للسفر زين
وكل شي للسفره نعدّه
ويّا بعض بنسافر اثنين
هب كل منّا يسير وحده
ربعتك نشريها بملايين
نكنّ لك كل المودّه
يا سعد حظ الشاعر حسين
كان السفر ويّاك شدّه
للحج موسم هوب كل حين
والغوص له يا خوي ردّه
قالوا مثل من سابق سنين:
الحر دايم عند وعده
يا كبر حظ الشاعر حسين
وحسين من يا ناس قدّه؟
في بانكوك ميلّس ألحين
وكل شي يباه يلقاه عنده
بين الغواني والمزايين
يالس وحوله كم ورده
والزين يغنّي ليل يا عين
وحسين بازغ نجم سعده
وأنا ميلّس في (أمّ قيوين)
على كدر دايم وشدّه
حسين خميس آل علي:
وش حقّه يالس في (أمّ قيوين)
والشوق عندك زاد حدّه
يا بوعبيد بسرعه ألحين
شدّ العزم ياخوي شدّه
خذ تذكره (ع) التاي بألفين
وسو لك من الباتات خرده
وتعال لبلاد المزايين
يللّي بها الغزلان رغده
بانكوك فيها أريش العين
وفيها الذي مملاي قدّه
بتفوز يا بوعبيد بالزين
عقب الحياجه والمكدّه
سلطان عبيد آل علي:
قريت ردّك يالخوي زين
وفيني الولع قد زاد حدّه
شوّقتني لبانكوك يا حسين
ذكّرتني بشخصٍ أودّه
ما رحت له من عدّة سنين
وعنّا انقضت ويّاه مدّه
انته بتي خمسه وعشرين
وهناك من بآتم عنده؟
انته تسافر دون تبيين
من عقب غوص تروح ردّه
لكن لي ربعٍ معزمين
وأشوفني حزامي بأشدّه
حسين خميس آل علي:
هيّد علي بو عبيد يومين
برجع ولي ويّاك قعده
حتى نخطّط للسفر زين
وكل شي للسفره نعدّه
ويّا بعض بنسافر اثنين
هب كل منّا يسير وحده
ربعتك نشريها بملايين
نكنّ لك كل المودّه
يا سعد حظ الشاعر حسين
كان السفر ويّاك شدّه
للحج موسم هوب كل حين
والغوص له يا خوي ردّه
قالوا مثل من سابق سنين:
الحر دايم عند وعده