عندي شكوى لرساله وصلتني عبر الخاص .. اللعبه مكشوفه .. الحذر ...

[كريستال]

السلام عليكم ورحمة الله وبركاته

شخبارج اختي؟؟


ممكن اطلب منج خدمه؟؟

وعليكم السلام والرحمه ..

هلا أختي تفضلي إذا أقدر أن شاء الله خير ..

حياج الله ..


تسلمين اختي
اكيد بتستغربين من طلبي بس والله ظروفي صعبه
اختي انا فالسكن الجامعي ومحفظتي ضاعت وهلي مسافرين علاج ومن 3 ايام ماكلمتهم تقدرين تسلفيني بطاقة رصيد او تحوليلي اريد اطمن عليهم لين نهاية الاسبوع واوعدج اردها لج


والسموحه منج اختي


___________________________

الرساله نفسها وصلت لصديقتي تاجره بالمنتدى ..
ونفس الرساله وصلتني عبر منتدى ثاني ..

الحذر ثم الحذر ثم الحذر من هذه الأساليب .. أساليب الغش ..

للتنبييييييييييييييييييييه ..

وأنا مستعده لإعطاء نيك المرسله للإدارة ..

حياكم الله ..

[العنيدة]

والرسالة نفسها وصلتلي امس >>> بس تم ححذف عضويتها من قبل الادارة

واليوم شكلها مسجلة بنك يديد عسب اتكمل مسيرتها في الشحاته

العضوة هذي شفتها في 3 منتديات تتطلب رصيد >> هذا قبل اكثر من شهر

عنبو لين الحين اهلج مارجعوا من السفر ؟؟؟

ولا في المنتديات االثانية اتقول ربيعتي مريضة وابغي اتصل بها وماعندي رصيد !!!

الاخت مب عارفة اني انا نفس العضوة اللي اتطلبت منها في المنتديات الثانية

طبعا انا سايرتها وخذت رقمها عسب اتاكد اذا هي نفسها او لا

الحلوة طلعت نفسها اللي في المنتديات الثانية

عالعموم انا راسلت الادارة بهالخصوص

والسموحة منكم

[نووري]

وانا بعد كسرت خاطري و طرشت لها رقم بطاقة هباله فيني

[العنيدة]

وانا بعد كسرت خاطري و طرشت لها رقم بطاقة هباله فيني

ههههههههههه

يحليلج والله >> اعرف وااايد بنات طرشولها رصيد >> يحليلهن على نياتهن

شكلها استوت تاجرة رصيد هذي >>> اكثر عن 20 وحده مطرشة لها رصيد

ويمكن اكثر بعد

حبوبه هذي وحده معروفة في المنتديات

ياما اعضاء كتبوا عنها مواضيع ومقالات >> لكن بعدها ماتستحي

هذي الشحاته المتطورة يسمونها

الله يعين بس

[هام السحاب]

السلام عليكم

اعتقد انه من العيب حقا ان تتخذ المنتديات وسيله سهله لخداع الناس

نحن نعلم ان الكثير من الناس على نياتهم .. واغلبنا يصدق تلك الحكايا

لا لشيء وإنما لطيبة جبلنا عليها ..

لكن ان تتخذ هذه الطيبة للخداع فذلك مرفوض ...

وقد قالوا سابقا ..

إن لم تستح فافعل ما شئت ..

وأعتقد ان من ترخص بنفسها بهذه الطريقة انه لا حياء عندها

ولا يهم ان سجلت في المنتدى بعد طردها مرة ومرتين وثلاث ..


الواحد يعلي بنفسه عن دنايا الأمور ..

ودعوة للأعضاء ..

عدم السكوت وابلاغ الأدارة بأي رساله من هذا النوع وعدم الأنصياع لهؤلاء المخادعين

والله يعينكم على ها الأشكال :rolleyes::rolleyes:

[نووري]

والله طرشت لها وقبلي قبضني يالله فعل خير وارمي في لبحر

[كريستال]

أحذرو ..

الرساله وصلت لي بأسم الحزينه 1

للعلم والحذر ..

[احلى عروس]

لا حول ولا قوة الا بالله عيل شو تقولون عن اللي ينصبون باسم الايتام اونه المبالغ تتحول لصالح جمعيه خيريه ويوم انكشفوا اداراة المنتدى غيرت المواضيع وشلت اي كلمه لها علاقه بجمعيه او ايتام لا والقهر تقول لج الاجر كفالة يتييم بلاهم بنات البلاد مو معقوله الحاله والمستوى اللي وصلوا لها والله يستر من الياي
مشكوره فديتج على التحذير ولو كل وحده بتسوي شراتج ماراح تكون عند هالنصابات فرصه لكن المشكله البنات مايحبون يرمسون والساكت عن الحق شيطان اخرس

[princess_1]

أنا بعد يتني رساله من الحزينه 1وتقول نفس الكلام تبى رصيد عشان تطمن على هلها ورحمتها وايد وقلبي عورني عليها وأونها في السكن الجامعي جان أشاور اللي وياي في البيت قالولي ماعليج منها وايد اللحين يسون جذيه جان أروح وأكتبلها معقوله محد فيه خير من اللي وياج من ربيعاتج ما يعطونج تطمنين على هلج ؟ سكتت وماردت علي شككت في الموضوع وما طرشتلها ..........

[سودانيه وافتخر]

حليلها البنت ،،، اهلها ظاعو ف سفرهم وتبى تطمن عليهم
شو اهلها ماعندهم رصيد عسب يتصلون بها ؟

الله يعطيج يالحزينه 1

تقبلو مروووري واحترامي
سودانيه وافتخر

[السماري الدلوعة]

السلام عليكم
وانا بعد يتني نفس الرسالة بنفس الموضوع من الحزينة1 وقلت لها نحن في اخر الشهر

[أجوان الخليج]

هلأ هيك فينكن تعتبروني من الناس اللي اكلت المقلب بس يا جماعة ان بعض الظن اثم
ممكن تكون فعلا الاخت محتاجة وما عندها غير هالطريقة تتواصل من دون ما تتعرض للذل والمهانة او انها ممكن تكون تتسلى وتضحك

بكل الاحوال كل مين بعتلها رصيد وانا منكن ما حدا يزعل رب العالمين بيحسبها بميزان الحسنات كونها صدقة صدرت عن حسن نية وحب في المساعدة وانا من جهتي مسامحها

[احمد8]

والله انا طلبت مني بطاقه والله انا زعلت عليها ورحت بعتلها رصيد 200 درهم بس ياجماعه ممكن البنت محتاجه ما حاد بيعرف

[العنيدة]

والله انا طلبت مني بطاقه والله انا زعلت عليها ورحت بعتلها رصيد 200 درهم بس ياجماعه ممكن البنت محتاجه ما حاد بيعرف

اخوي العضوة هذي تشحت في اكثر من 3 منتديات

انا صادفتني في 3 منتديات >> والاعضاء حطوا مواضيع عنها وشكاوي

كل حجتها ان تلفونها مافي رصيد وتبغي اتكلم اهلها >> الكلام هذا من اكثر من شهر

والحين بعدها ترسل رسايل خاصة الاعضاء وتشحت والسبب ماعندها رصيد !!!!

[الأول]

عوذ بالله جان شي ناس جذه...

الله لا يبلانا بس...

[احمد8]

يا جماعه يمكن البنت محتاجه ما حدا بيعرف بس انا مستغرب من شي معقول اهلها يسافروا ومايعطوها مصروف

[ام الحنون]

الله يستر من الجاى