اوقات الدوام في رمضان..... [الأرشيف] - منتدى المرأة الإماراتية

عرض الاصدار الكامل : اوقات الدوام في رمضان.....

المفتي

12-09-2007, 08:38 AM

السلام عليكم...

الدوام في الدوائر الحكومية في بوظبي يا اعزائي... بيكون من الساعة 10 الين 4 العصر .. اوف الله ايعينهم.... ونحن في مكان ما بيكون من 8:30 لين 2:30 حرام عليهم يعني ايخلونها مثل قبل من 9 الين 2 انا عدالي شي مكتب فاضي بفرشلي هناك وبخليه غرفة نوم يعني اذا ما كنت راقد زين اخذلي غفوة... ومبروك عليكم الشهر....

هدى السعدي

12-09-2007, 04:00 PM

هيه والله يا المفتي بيعيزونا.. الحين وصلتني مسج..تقرر ان يكون دوامكم من 10 لين 4. برايه مكتبيه بروحه ومعزول زين للرقاد ههههههههه.

بس يالمفتي ما يحتاي.. يعني حتى لو سهرت موعد الدوام متاخر الساعة 10
مبارك عليك الشهر اخويه

نبع الصافي

12-09-2007, 09:24 PM

شــــــــــــــــــــــــــكرا

المستقبل الزاهر

12-09-2007, 10:01 PM

الله يعين الجميع

والأجر على قدر المشقة

المفتي

13-09-2007, 08:43 AM

هدى السعدي الله ايبارك فيج ومبروك على الجميع.... لا تحاولون تقنعون عماركم وتقنعونا معاكم انه دوامكم حلو ههههههه نحن بنرجع البيت وبنرقد ويوم بنقوم من الرقاد انتو توكم واصلين بيتوكم.... الله ايعينكم.... بعدين اذا في خاطرج اكلة متى بتتفيقين تتطبخينها؟؟ خلاص انتي طرشيلي شو تبين تاكلين وفالج طيب عشان مايتم شي في خاطرج وانتي في الدوام....

هدى السعدي

13-09-2007, 11:11 AM

هههههههه والله اخويه المفتي... هذا الدوام مب مزعجنيه وايد. اصلا افتكيت من البيت قومي ساعدينا سوي طبخة ما ادري شو... بس شو ينفدني في إجازة نهاية الأسبوع!) :)
ما ابا امتع نفسي بالاكل اللذيذ في هذا الشهر الفضيل. وساعتمد استراتيجية (الصندوق الأخضر).
الصندوق الاخضر صندوق يطرش للمشترك مركز انظمة غذائية اكل صحي وخالي من الدهون والمسمنات( مثل اكل المستشفيات تقريبا) اللي يبا ينقص وزنه تراه ينفع وايد لان هذا النظام الغذائي لا يعتمد على ادوية او مدعمات غذائية بل يعتمد على حصر وجبات اليوم في عدد من السعرات الحرارية وما فيه حرمان من كل شي شوية حتى (سويت) يحطون بس طشونه. المميز فيه ايضا تشعر بصحة ونشاط يمكن لان الجسد يفقد من مخزون الدهون والسلطات والاكل الصحي تعمل على تخليص الجسم من السموم. اوصيكم به لمن اراد ان يخفف وزن خصوصا الناس (الهيازين) اللي يتعايزون ينضبطون ويوم ييوعون ياكلون الأكلات التي تسمن.في رمضان يفيدكم هذا النظام عشان ما تتعايزون عن صلاة التراويح.
سؤال يالمفتي الحين النظام مال الدوام بو من 10 لين 4 هذا في كل بوظبي ولو شو؟ نحن هوب مؤسسة اتحادية واول طرشوا لنا مسجات ان الدوام من 9 لين 2 وبعدين طرشوا لنا مسج اخيرة وتعميم انه من 10 لين 4.

المفتي

13-09-2007, 12:07 PM

الدوام اللي من 10-4 في امارة بوظبي للجهات التابعة للخدمة المدنية.... او المحلية... يعني بس في بوظبي والعين... لكن الامارات الباقية دوامهم عادي من 9 لين 2... ... واللي دوامه من 9 في بوظبي ايخلص 3.... بس نحن اسبيشل من 8:30 لين 2:30

هدى السعدي

13-09-2007, 01:23 PM

برايه هل العاصمة نتحمل :)

المفتي

13-09-2007, 01:38 PM

عادي كلنا نتحمل.... انا عندي اجتماع يوم الاثنين في بوظبي... منو بيطرشلي فطور خخخخخ ... اللي فطوره احلى بختاره عشان اخبره وين بسكن عشان ايطرشلي فطور

* عيناويه *

13-09-2007, 02:25 PM

رمضان شهر الرحمه والغفران..

وفيه تفتح ابواب الجنه وتغلق ابواب النيران

ويجب على المسلم استغلال وقته بالعباده وقراءة القرآن

bin_dilham

13-09-2007, 06:02 PM

اللهم لا اعتراض

يا حظهم

احنا حليلنا من 9 لين 2